របៀបធ្វើ យីហ៊ឺ បីរសជាតិ

គ្រឿងផ្សំ

• យីហ៊ឺ 
• បង្គាក្រៀម 
• ខ្ទឹមស 
• ខ្ទឹមក្រហម 
• ជ្រក់គល់ខ្ទឹម 
• ម្ទេសដៃនាង 
• ជីររណារ 
• ជីរនាងវង 
• សាលាដ 
• ការ៉ុត 
• ក្រូចឆ្មារ 
• គល់ស្លឹកគ្រៃ 
• ម្សៅស៊ុប 
• ស្ករស

វិធីធ្វើ

1.  វិធីធ្វើគឺដំបូងត្រូវដុតយីហ៊ឺឲ្យក្រៀមល្មម រួចហែកបេះជាសរសៃៗ។
2. បង្គាក្រៀមត្រូវត្រាំទឹកឲ្យរីក រួចពូតឲ្យស្ងួត។
3. គល់ស្លឹកគ្រៃ ខ្ទឹមស និងខ្ទឹមក្រហមត្រូវហាន់ស្ដើងៗ។
4. បន្ទាប់ពីរៀបរយគ្រឿងផ្សំរួច ត្រូវចាប់ផ្ដើមយកសរសៃយីហ៊ឺ បង្គាក្រៀម គល់ស្លឹកគ្រៃ ខ្ទឹមស ខ្ទឹមក្រហម ជីររណារ ជីរនាងវង និងជ្រក់គល់ខ្ទឹមមកច្របល់ចូលគ្នាដោយបន្ថែមស្ករស ម្សៅស៊ុប ហើយច្របាច់ក្រូចឆ្មារចូលបន្តិច។
5. ចុងក្រោយ គ្រាន់តែរៀបសាលាដ និងចំណិតការ៉ុតដាក់ចាន រួចដួសញាំដាក់ពីលើជាការស្រេច។

***យីហ៊ឺបីរសជាតិនេះជាប្រភេទគ្រឿងក្លែមមានរសជាតិជូរអែមហឹរតិចៗ

ប្រភព ៖ news.cambo25.com